Mission Karmayogi: Civil Services Capacity Building

Mission Karmayogi: Civil Services Capacity Building

Mission Karmayogi: Civil Services Capacity Building ‘మిషన్ కర్మయోగి’, సివిల్ సర్వీసెస్ సామర్ధ్య అభువృద్ధి కోసం జాతీయ కార్యక్రమానికి కేబినెట్ ఆమోదించింది.

ఈ పథకం పౌర సేవకుల సామర్థ్యం పెంపొందించడానికి పునాది వేస్తుంది, వారు భారతీయ సంస్కృతిని పాటిస్తూనే ప్రపంచవ్యాప్తంగా ఉన్న ఉత్తమ పద్ధతుల నుండి నేర్చుకుంటారు.

Mission Karmayogi భారతీయ పౌర సేవకులను మరింత సృజనాత్మకంగా, నిర్మాణాత్మకంగా, వినూత్నంగా, క్రియాశీలకంగా, ప్రగతిశీలంగా, శక్తివంతంగా తయారుచేస్తుంది.

వారిని పారదర్శకంగా మరియు సాంకేతిక పరిజ్ఞానంతో తయారుచేయడం ద్వారా భవిష్యత్తు కోసం వారిని సిద్ధం చేయడమే ఈ మిషన్ లక్ష్యం.

ఈ మధ్యాహ్నం మీడియా ముఖంగా కేంద్ర మంత్రి ప్రకాష్ జవదేకర్ మాట్లాడుతూ, కర్మయోగి పథకం ప్రభుత్వ అతిపెద్ద మానవ వనరుల అభివృద్ధి కార్యక్రమం అవుతుంది అన్నారు.

ప్రధానమంత్రి యెక్క పబ్లిక్ హ్యూమన్ రిసోర్సెస్ (హెచ్ఆర్) కౌన్సిల్, కెపాసిటీ బిల్డింగ్ కమిషన్, డిజిటల్ ఆస్తులను సొంతం చేసుకోవటానికి మరియు నిర్వహించడానికి ఒక స్పెషల్ పర్పస్ వెహికిల్ మరియు ఆన్‌లైన్ శిక్షణ కోసం సాంకేతిక వేదిక, మరియు కేబినెట్ కార్యదర్శి నేతృత్వంలోని సమన్వయ యూనిట్ ఈ మిషన్ యొక్క సంస్థాగత నిర్మాణంలో భాగంగా ఉండనున్నవి.

Join us on Telegram

ఎంపిక చేసిన కేంద్ర మంత్రులు, ముఖ్యమంత్రులు, ప్రముఖ ప్రజా హెచ్ ఆర్ ప్రాక్టీషనర్లు, మేధోపరులు, గ్లోబల్ థాట్ లీడర్స్ మరియు పబ్లిక్ సర్వీస్ కార్యకర్తలతో కూడిన పబ్లిక్ హ్యూమన్ రిసోర్సెస్ కౌన్సిల్ సివిల్ సర్వీసెస్ సంస్కరణ మరియు సామర్థ్యాన్ని పెంపొందించే పనికి వ్యూహాత్మక దిశను అందించడానికి అత్యున్నత సంస్థగా పనిచేస్తుంది.

సహకార మరియు సహ-భాగస్వామ్య ప్రాతిపదికన సామర్థ్య నిర్మాణ వ్యవస్థను నిర్వహించడం మరియు నియంత్రించడంలో ఏకరీతి విధానాన్ని నిర్ధారించే ఉద్దేశ్యంతో సామర్థ్య నిర్మాణ కమిషన్ ప్రతిపాదించబడింది.

ఈ Mission Karmayogi ద్వారా సుమారు 46 లక్షల మంది కేంద్ర ఉద్యోగులకు లాభం చేకూరేందుకు, 2020-21 నుండి 2024-25 వరకు 5 సంవత్సరాల కాలంలో 510.86 కోట్ల రూపాయలు ఖర్చు చేయనున్నారు.

Also Read: Indore wins cleanest city in country award

ఈ వ్యయం కొరకు 50 మిలియన్ డాలర్ల బహుళపాక్షిక సహాయం ద్వారా కొంతవరకు నిధులు సమకూరుస్తుంది.

ఈ కమీషన్ పూర్తి యాజమాన్యంతో స్పెషల్ పర్పస్ వెహికల్ (ఎస్పీవీ) ఏర్పాటు చేయబడుతుంది. iGOT-Karmayogi ప్లాట్‌ఫామ్ యొక్క కంటెంట్, విపణి మరియు ముఖ్య సేవలను ఎస్‌పివి సృష్టిస్తుంది మరియు నిర్వహిస్తుంది.

ఈ కాబినెట్ సమావెశంలోనే జమ్మూ కాశ్మీర్ అధికారిక భాషల బిల్లు 2020 పార్లమెంటులో ప్రవేశపెట్టడానికి ప్రధాని అధ్యక్షతన కేబినెట్ ఆమోదం తెలిపింది, ఇందులో ఐదు భాషలు ఉర్దూ, కాశ్మీరీ, డోగ్రి, హిందీ మరియు ఇంగ్లీష్ అధికారిక భాషలుగా ఉంటాయి.

డోగ్రి, హిందీ, కాశ్మీరీలను జమ్మూ కాశ్మీర్‌లో అధికారిక భాషలుగా చేర్చడం చాలా కాలంగా ఉన్న ప్రజా కాంక్షను నెరవేర్చడమే కాక, సమానత్వ స్ఫూర్తికి అనుగుణంగా ఉందని మీడియా ముఖంగా కేంద్ర మంత్రి డాక్టర్ జితేంద్ర సింగ్ అన్నారు.